【Now財經台】內地噚日公布零售、工業、固投「三頭馬車」數據，全部差過預期。恒指暫時喺20000點水平橫行，大市近期交投十分淡靜，係咪持續受內地經濟表現影響投資氣氛？
滙豐環球私人銀行及財富管理北亞首席投資總監何偉華指，雖然人民銀行突然下調1年期MLF利率，但同業拆息及6月按揭利率都向下，加上7月整體經濟數據差過預期，可見貸款增速較慢，民企及消費者信心仍然疲弱，投資者要繼續留意中央會有咩政策支持經濟增長。
本港經濟方面，何偉華指，政府發放第二期消費券及放寬檢疫措施，有望令經濟活動轉趨活躍，對本地企業肯定係好事。
