【股市脈搏】半新股中國石墨冇貨可以等一等

【Now財經台】百億「巨無霸」新股中國中免(01880)今日開始招股，市場好關注呢隻「巨無霸」嘅認購反應，再睇返半新股表現，7月上市嘅16隻半新股中，只有5隻唔使「潛水」，其中以中國石墨(02237)表現最標青，股價今朝早平開後，一度升28%，高見0.96元，成交股數已經多過上一個交易日全日，暫時成交金額逾7000萬元。

中國石墨首掛已有炒作，仲見埋上市高位1.2元，成交股數更超過7億股，雖然之後股價唔使「潛水」，但成交量持續偏低，投資者不妨睇埋集團上半年業績，先再做部署。