【Now財經台】快狗打車(02246)(GOGOX)發盈警，預告上半年虧損擴大逾4倍，最多蝕逾11億人仔，呢個盈警係咪同市場預期有好大落差，拖累GOGOX今日又急瀉，一度重挫近16%？
《香港股票財技密碼》作者梁杰文指，上市第一份業績一定有啲非經常性虧損，係預期之內，新經濟企業蝕錢市場都會理解，喺建立生意模式嘅階段都要燒錢，因為希望搶到市佔率，但市場擔心GOGOX控制唔到虧損幅度，公司經調整虧損擴大，幅度亦唔細，會令人質疑生意模式嘅可持續性。
Mike又話，雖然GOGOX股價跌咗好多，而市值亦大縮水，港股一直有一個問題，當一間公司市值愈細，可以買入嘅基金就愈來愈少，流通量、成交量亦會減少，會形成惡性循環，令公司市值持續萎縮，而投資者對GOGOX前景嘅憂慮已經反映喺股價。
