【now.com財經】今朝揀咗隻恒指牛(65567)出嚟,Set好五分鐘圖見Slow STC(14,3)出現觸底先好出動。以今朝Patreon出文時間10點31分計,on top比10分鐘時間睇文,好計數啲10點40分刨完文之後再睇返恒指五分鐘圖,適逢Slow STC(14,3)兩線於嚴重超賣水平上見%K線上破%D線,同時喺陰陽燭圖上見「身懷六甲」出現,呢個時侯推隻(65567)落場的話,以10點40分至10點50分買入(65567),其內高低位做過0.034元/0.03元,平均買入價為0.032元。
落場之後,「身懷六甲」同Slow STC(14,3)觸底果然湊效,指數隨即高走,跌幅亦大為收窄,雖然未見返綠色倒升,但喺五分鐘圖上見指數由保歷加通道底線重上至保歷加上升通道裡面,午前指數有一段時間重上各主要天線水平,中午收市仍見指數有500分鐘線(五分鐘圖100線)作為支持。
唔知係咪噚日同我家老爺出咗成日街,噚日到依家我家肥貓都唔係好睬我,我估佢都係嬲咗我,Lunch Time時間通常都係佢同我一齊嘅食飯時間,但佢今日無食到乾乾,只係食咗兩粒零食...好啦,肚餓應該會不敵嬲豬嘅...(臨下半場開市前五分鐘,寶寶終於都肯食幾粒餅仔啦)
下半場開市之後有見指數仍然踩住500分鐘線企穩,整條保歷加通道有向上嘅情況,可以暫時mark實跌穿保歷加通道中軸為止蝕水平先。Slow STC(14,3)兩線喺11點半至11點40分時有上過超買水平,其後回落如果再闖多次關,形態上Slow STC(14,3)行出「圓底」,同步地指數都係一樣,頸線成形。
由於保歷加通道口不是拓闊,所以Slow STC(14,3)係有機會向下再回,但如果指數最終乘保歷加上行通道而升的話,咁行出嚟嘅有可能備天線而形成嘅一浪高於一浪嘅形態;反之,走啦,仲諗咩,依家1點10分,(65567)證價都見0.042元啦,拉到咁貼近嘅恒指牛就係為咗爬格仔用架啦。
作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。