【Now財經台】市場關注騰訊控股(00700)業績,其實騰訊股價自6月下旬起,大部分交易日都受制於10天線,不過,上周後段收復300元關口,並突破10天線,今朝多唔多資金開好倉捕捉騰訊技術反彈機會?
法國巴黎銀行上市衍生產品部林恩指,睇返騰訊資金流,過去5日資金累計淨流入好倉為主,而且投資者較多用CALL輪做部署,有逾70%資金選擇認購證產品,不過,騰訊一上返300元,亦有少部分投資者獲利離場,市場對騰訊業績,尤其廣告收入、企業服務及金融支付範疇表現睇得較悲觀,因此,股價都係睇300元水平上落。