【Now財經台】快狗打車(02246)(GOGOX)今朝低開逾2%後,跌幅一度擴大至逾14%,低見6.1元,最新報6.26元,暫時成交金額逾800萬元。
公司上星期五收市後發咗盈警,預期上半年最多蝕11.5億人仔,值得留意係,盈警冇提及上半年表現,可能要等稍後出咗大數先有多啲啟示。
GOGOX今年6月底以21.5元上市,其實上市前已經被指估值太高,結果首掛即「潛水」,到今個月初更創上市新低,見過4.92元,較招股價21.5元,大跌逾77%,依家仲發埋盈警,之前喺低位撈貨嘅投資者都急急套現,拖累股價又插水,如果公司基本面冇改善,又冇扭虧時間表,股價可能會繼續尋底。