【Now財經台】百億新股巨無霸中國中免(01880)將會喺下星期一招股,入場費逾16000元,集團將會喺月底公布業績,市場關注中免會唔會交代月初海南三亞實施封控,對公司喺當地嘅業務影響。市場估計,中免業績可能最快要等到第4季先有望復甦,而中免嘅基本面亦似乎麻麻,呢隻新股到底抽唔抽得過?
中國通海證券投資策略聯席總監阮子曦指,中免基本面可以用另一個角度去睇,因為中免屬於旅遊零售股,應該可受惠於國內出行及旺季,但中免A股踏入下半年暫時已累跌約15%,主要受疫情持續影響。至於中免H股,Harry認為,估值及規模都屬於「巨無霸」,以新股角度睇,上市後未必炒得起。