【Now財經台】評級機構穆迪憂慮內房危機蔓延，而爛尾樓業主停貸「斷供潮」亦會影響市場信心，不利內房銷售復甦，甚至加劇行業分化。據《彭博》引述評級機構標普估計，喺最壞情況下，內銀約2.4萬億人仔嘅按揭貸款將面臨風險，到底爛尾樓風波係咪有機會進一步惡化？
資深銀行家王浵世表示，呢次涉及嘅數目咁大，好明顯係因爲早幾年大家一窩蜂去做房地產，每當爆發斷供潮，必定係市場流動性出咗問題，即係冇錢起唔到樓，業主當然唔會再比錢供樓。佢又話，由於中央已經出手，短期內最少可以解決部分問題，但長期而言，做房地產易賺錢呢種心態，好易令問題重蹈覆轍，所以心態必須作出改變。
