【Now財經台】截至早上11時止，1小時內《彭博》用戶關注度上升最多港股，依次為聯想集團(00992)、藥明生物(02269)、安踏體育(02020)、華潤啤酒(00291)及小米集團(01810)。
今朝開市前，聯想出咗首季業績，收入按年輕微增長，純利則增長11%，毛利率亦有改善，聯想股價今朝曾短暫向上，但好快掉頭向下。
獨立股評人譚智樂指，喺市況疲弱下，聯想毛利率都有得升，維持喺近16%水平，反映聯想首季最大優勢在於成本控制得好，但值得留意係，聯想旗下業務如硬件、智能手機、電腦設備等，對經濟周期敏感度高，而近期唔少電子企業嘅態度比較審慎，認為聯想未必可以喺逆周期有好表現。
Arnold又話，聯想股價關鍵位喺6.7元水平，又提醒唔好因為估值平、業績硬淨，無視經濟環境變差嘅風險因素，有貨可以繼續持有，如果冇貨就唔建議買入。
