【Now財經台】美國擬邀請台灣、日本及南韓合組晶片四方聯盟(Chip 4),目的係加強同亞洲主要晶片供應地區聯繫,不過,一旦南韓加入聯盟,可能會得失中國,南韓總統尹錫悅日前話,正從國家利益著眼研究會唔會加入,南韓最終會點揀?此外,台海局勢持續緊張,對台積電又有冇影響?
易方資本投資總監王華指,現時南韓目前嘅晶片業發展未強到可以擺脫美國,例如手機製造商三星仍要依賴美國客戶及供應商支持,佢估計,最終都會加入聯盟。Fred又話,由於聯盟嘅「生態系統」完整,足以左右未來幾年全球半導體行業發展。
Fred續指,台積電只係代工企業,並非一個品牌,所以台海危機對集團嘅影響唔會好大。