【Now財經台】國際油價連續兩日反彈,繼續有券商睇好,高盛仍認為未來全球原油仍供不應求,今季至年底倫敦布蘭特期油睇每桶110至125美元,低過之前估計140美元,值得留意係,125美元差不多係布油6月時高位,按現時形勢,年底前有冇條件上返呢個水平?
信誠證券及期貨投資服務部董事蕭猷華認為,油價要上返120美元水平有難度,除非又有「黑天鵝」突襲,環球經濟處於下行周期,大宗商品需求都跌緊,相信美國聯儲局都繼續加息,相信要加到整體需求顯著下跌,先有機會遏抑到通脹。佢又指,雖然紐約期油彈返少少,但只係跌市中嘅技術反彈,未來要再上衝有一定難度。