【股市脈搏】睇實中移派息有冇驚喜

【Now財經台】中國移動(00941)股價今日衝上兩個半月高位，收市微升0.3元，報51.2元，連升第5日。

中移動將於周四出業績，據《彭博》綜合分析員平均數值，集團上半年收入按年增長8%，EBITDA則增長4%。

中移動上年回A前，承諾3年內上調派息比率至70%，市場十分關注派息比率會唔會由上年60%進一步提升。

集團4月下旬公布首季業績後，股價翌日向下，之後喺47元至52元區間上落，呢幾日臨近放榜就落鑊，要留意收入及派息畀唔畀到市場驚喜，可以造個見底回升嘅圓底，否則，可能要喺區間頂部止步。