【Now財經台】優庫資源(02112)今朝低開逾3%後，跌幅一度擴大至逾11%，低見1.3元，但成交金額好少，暫時僅逾35萬元。
由於本業唔掂，優庫資源6月曾出通告，話喺香港註冊成立一家全資附屬，同植物幹細胞科技開發公司合作，營銷植物幹細胞產品，集團主要做批發分銷。
值得留意係，公司6月底披露發展健康業務意向，刺激股價炒上1.72元嘅3年高位，上周三又指將易名恩典生命科技，投資者都要小心，始終呢隻股份股權集中，成交又稀疏，加上新業務有幾大貢獻仍然係未知數，宜先確認新業務嘅價值，再做投資決定會較穩陣。
