【Now財經台】正在訪台嘅美國眾議院議長佩洛西，上晝同晶片代工龍頭台積電董事長對話，再次引發市場對中美關係進一步惡化及脫鈎，以及內地半導體產業發展嘅憂慮。
據《彭博》報道，依家台灣製造嘅晶片，一半係直接或經香港出口到中國，有分析估計，喺依家嘅局勢下，中國或加快發展及投資內地晶片業，作為行業龍頭嘅中芯國際(00981)，相信可以受惠。
中芯股價早市一直保持升勢，下晝升幅一度擴大至近10%，高見17.06元，之後升幅逐步收窄，成交股數較過去100日同時段平均增近2倍，成交金額逾8.8億元，仲打入10大成交榜。
