【Now財經台】截至早上11時止，1小時內《彭博》用戶關注度上升最多港股，依次為吉利汽車(00175)、龍光集團(03380)、金沙中國(01928)、中國銀行(03988)及廣汽集團(02238)。
近日車股造好，表現最突出係吉利，有消息指，吉利母公司吉利集團及百度集團(09888)合資嘅智能汽車公司集度，考慮啟動新一輪融資。雖然呢件事唔太關吉利事，但近日升勢都有成交配合，北水噚日及今日都淨買入，究竟係咩原因？
獨立股評人譚智樂指，吉利逆市造好，主要係旗下電動車品牌有融資動作，融資釋放價值係利好因素，加上集團喺國際及內地市場有一定競爭力。值得留意係，短線而言，市場失咗投資焦點，比機會吉利借勢反彈。至於內地延長免徵新能源車購置稅，對傳統車企幫助較大。Arnold提醒，由於吉利仲未出銷售數據及業績，今輪升勢有可能只係曇花一現。
