【Now財經台】滙豐控股(00005)上半年普通股權一級資本比率為13.6%,按年跌2個百分點,低於大行預期嘅13.8%,滙控指,會致力喺2023年上半年維持比率喺14%至14.5%目標水平,達標機會有幾大?
紅蟻資本投資經理李澤銘指,普通股權一級資本比率係全份業績最令人擔心嘅地方,因為呢個數字會影響滙控未來係咪可以繼續回購或派息,所以比率上返14%或以上先會較穩陣,要達標首先壞帳撥備要維持溫和水平,其次係歐洲幣值兌美元唔會大幅貶值,如果兩個條件齊全,喺2023年或今年底重上14%樓上機會都幾大。
至於滙控同渣打集團(02888)相比,邊隻較有吸引力,Alan就話...