我的股票

    名稱 現價 升跌

    資料報價延遲十五分鐘

    標籤: 000050001163034

    【輪證下半Part】睇到好肉緊 > . <

    【輪證】 2022/08/01 14:49

    【now.com財經】我家肥貓啲作息時間開始穩定(間中都會跳下掣嘅),每日到12點左右佢就會喺唔知邊度行過嚟我附近,準備開飯討吃,為咗吸引你嘅注意,總會喺你附近碌地、翻滾、變波...瘋狂賣萌。唔知佢識唔識聽,但作為一個寵主,始終都係會用「人話」同佢講「我知啦」,再望望鐘,咁又過咗個朝早。

    呢個朝早過得都瘋狂,指數先是如預計般向下失20,000點,期後稍彈再於約10點15分再失多一次,之後走勢都係見回彈,如是者以失20,000點呢個關鍵位嚟唔覺意喺五分鐘圖上行咗個「雙底」出嚟,「雙底」頸線一破兼重上保歷加通道中軸後,作戰室二話不說地反手出動好倉至中午,見指數重上20,1XX點之後有橫行走勢,但姑且見整條保歷加通道由今朝早向下變成向上,Lunch後或者再睇五分鐘圖上嘅保歷加通道中軸可唔可以支撐返指數嘅同時,保歷加通道口肯唔肯再拓闊返比位指數再行。

    至於今朝揀咗隻恒指熊(63034)出嚟,Set好以Swing Trade方法落場,即係等五分鐘圖Slow STC(14,3)上返去超買水平時先至出手,基本上由11點至11點55分,五分鐘圖上Slow STC(14,3)都處於超買範圍,指數稍失20,000點後再有好友支持推返指數上去,我明;但以中午收市價20,091點計,指數仍然靠近下方牛證,同時又真係見到未有增熊證街貨層上市,咁嘅情況之下,真係似乎開淡倉比較有勝算,問題係如果信心不足的話,當然可以再睇定啲;或者從注碼上控制一下。以11點至11點55分開隻(63034)0.067元/0.059元計,平均買入價為0.063元。

    午後返嚟見恒指終於都轉燈,但睇返中午收市時滙控(00005)同恒生(00011)所公布嘅業績,其實都只係一般般,或者有少少希望嘅係滙控話2023年可能會派返季度息,所以午後恒指轉燈都只係曇花一現。

    依家1點9分,恒指見返有47點跌幅,不過喺五分鐘圖技術上指數條上行嘅軌跡仲未被破壞,指數未呈現自由落體,Anyway,(63034)都要Set定啲止蝕位,小時圖如果見指數上破10小時線(小時圖10小時線),咁(63034)就立斬啦。

    (五分鐘圖見指數喺500分鐘線(五分鐘圖100分)同50分鐘線(五分鐘圖10線)之間夾咗好耐又頂住好耐,真係睇到好肉緊 > . <)

    作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

    作戰室入口:https://www.patreon.com/cbbcwar

    專頁:https://bit.ly/3uixP4Y

    想睇更多財經消息