【Now財經台】港股今個月開始步入業績高峰，今日有重磅股滙豐控股(00005)及恒生銀行(00011)搶閘派成績表，星期四收市後就有阿里巴巴(09988)等，美國加咗幾次息後，滙控股價近月一直喺50元樓下浮沉，其他國際金融股情況都差唔多，係咪意味金融股未必可以喺今次業績期跑出？
渣打香港財富管理投資策略主管梁振輝指，投資者已偷步炒作加息預期，雖然加息對金融業有幫助，但市場對全球經濟衰退憂慮明顯升溫，限制咗部分股份嘅升幅，事實上，金融股近期表現唔算好，亦未上返今年高位，不過，最少仲叫做有得升，亦可以跑贏大市，佢又提醒，投資者睇業績時，唔應該單純睇大數，而係要睇...
