【Now財經台】渣打集團(02888)中午出咗季績後，股價午後一度拗腰升2.5%，但之後走勢轉弱，暫時仲有得升，睇返幾項指標數字，唯獨淨利息收入維持到按季增長勢頭，雖然第2季稅前基本溢利好過預期，但其實整體表現係咪冇太大驚喜？
中國通海證券投資策略聯席總監阮子曦指，環球經濟形勢喺第2季比較複雜，加上喺依家嘅市況下，有唔少公司發盈警，市場都唔會有太大期望，所以渣打呢份季績市場都收貨。
佢又話，睇返呢份季績，除淨息差擴闊外，亦睇到渣打成本方面係降低咗。此外，要留意公司前景及經濟收入能唔能夠支持公司持續增長，相信呢方面集團都畀到市場信心。
