【Now財經台】雖然嗶哩嗶哩(09626)(B站)近日捲入反日風波,股價今日冇受影響之餘,仲有得升,今朝高開近2%後,升幅一度擴大至近3%,高見204.8元,之後升幅收窄,收報202元,升逾1.5%。
B站最近計劃喺南京舉辦動漫夏日祭,喺網上被強烈批評文化入侵,加上今年係南京大屠殺85周年,活動被叫停,而最少60個類似嘅夏日祭及動漫活動受牽連,雖然唔係所有夏日祭都由B站主理,暫時亦未對股價有太大影響,但都唔可以忽視呢次風波。
值得留意係,呢件事係點到即止,還是進一步發酵,為股價埋下一個「炸彈」,都要繼續留意事態發展。