【Now財經台】噚日開市前停牌嘅坤集團(00924)，中午公布大股東傾緊賣盤，股份午後復牌大升，一度飆近80%，高見0.62元，喺成交大增下，股價一口氣升穿50天、100天及250天線，其中100天及250天線喺0.5元水平，但之後都企唔穩。
坤集團通告指，控股股東洪維坤家族，同賣方訂立冇約束力諒解備忘錄，可能向對方出售股份，或導致控股權易手及觸發強制性全面收購，不過，雙方僅訂立諒解備忘錄。
坤集團係新加坡公司，做電機工程服務，2019年以0.5元上市，上市初期曾經大幅炒高，但後來大部分時間要「潛水」，今日明顯係炒賣盤，坤集團IPO價0.5元，今日一度上返水面，但之後再「潛水」。
