【Now財經台】時代電氣(03898)發盈喜，預期上半年多賺21%，以集團第1季賺逾3.4億元推算，第2季賺約5億元，略高於過去兩年嘅第2季純利。不過，時代電氣股價今日反而逆市跌，到底係咩原因？
寶鉅證券董事及首席投資總監黃敏碩指，時代電氣發盈喜係市場預期之內，雖然集團嘅汽車半導體業務做得好，但市場始終認為係公司主業嘅軌道交通裝備產品增長唔理想，所以呢方面會扣減返估值。
Michael又話，依家市場消化緊，股價經過一輪回調後，投資者要密切留意，集團下半年嘅基建項目可唔可以提升，同埋毛利率有冇上升空間。
