【Now財經台】特步國際(01368)之前發咗上半年盈喜，預期多賺最少35%，集團第1季零售銷售增長逾30%，但第2季就冇實質數字，只係話有中雙位數增長，而上半年零售銷售增長只有逾20%，如果再睇埋折扣、存貨周轉數據，係咪反映上半年表現畀第2季拖累？
紅蟻資本投資經理李澤銘指，受第2季拖累嘅情況其實冇想像中咁嚴重，上半年利潤仲有逾30%增長，而利潤增幅仍高過收入增長，與此同時，折扣率亦增加咗，到底利潤增幅有幾多來自銷售，有幾多係來自節省成本，要等業績出爐先可以確定。
Alan又話，依家整個體育行業都面對庫存上升問題，經銷商壓力會相應加大，喺呢個情況下唯有減價，但無可避免會影響利潤，導致整體體育用品行業嘅估值需重新計算，因此，特步被大股東減持的確會令市場有唔少嘅聯想。
