【Now財經台】截至早上11時止，1小時內《彭博》用戶關注度上升最多港股，依次為聯想集團(00992)、中國海洋石油(00883)、建設銀行(00939)、美團(03690)、中國石油股份(00857)。
聯想股價今日早段走勢好曳，曾見過今年低位6.96元，不過，最新可以倒升。有分析指，第2季全球PC出貨量按年跌15%至7020萬部，是2020年首季以來最少，主要受內地多地封城影響，聯想股價反映晒呢啲因素未？
富昌證券聯席董事譚朗蔚指，雖然聯想今年有數據中心等小板塊發展，亦成為新亮點，但始終佔比最大嘅PC業務被封城拖累，股價一直向下，由於行業不景氣，即使聯想今日成為榜首股，但其實都唔係好彈得起，短線亦冇利好消息，相信股價會繼續受PC業務困擾而持續低殘，甚至再穿底。
