【Now財經台】美國總統拜登正出訪中東,市場關注佢沙特之行,可唔可以促成石油輸出國組織(OPEC)增產,如果沙特等主要產油國同意增產,對中遠海能(01138)呢類專營中東運油業務嘅公司,係咪有重大利好作用?
安里資產管理投資組合經理陳鳳珠指,即使可以增加原油供應,但由於外圍經濟依家處於衰退階段,所以原油需求未必好似預期咁多,加上供應增加可能會遏抑油價,依家外圍經濟比較弱,喺需求同預期可能有落差下,運油生意未必好似想象中咁好。
佢又話,雖然上半年係基於地緣政局,導致中遠海能業績倒差,但下半年仍然睇唔到有咩轉機,所以較睇淡公司前景。