【Now財經台】截至早上11點止，1小時內《彭博》用戶關注度上升最多港股，依次為中銀香港(02388)、恒生銀行(00011)、建設銀行(00939)、中國銀行(03988)及萬科企業(02202)。
2隻上榜本港銀行股今朝一度跌逾3%，恒生連續兩日創52周新低，中銀亦一度跌至4個月低位。消息面方面，美國大型銀行季績期展開，摩根大通及摩根士丹利表現都差過預期，內地爛尾樓房貸斷供危機發酵會唔會係其中一個原因？
大華繼顯執行董事梁偉源認為，市場呢兩日都擔心國內爛尾樓嘅事態發展，現時國內嘅中資銀行指，爛尾樓嘅貸款總額佔比唔算太大，但中銀、恒生有近20%至30%貸款同內地房地產有關，比率相對較高。
至於會唔會引發更嚴重風險，Steven表示，要留意內地政府部門呢幾日嘅會議，睇下有咩方法可以避免情況再惡化。
