【Now財經台】藍籌申洲國際(02313)今日再穿底,港股呢兩日走勢急轉直下,申洲繼跌穿3月大跌市低位後,今日再跌至逾2年低位,一度低見82.45元,跌逾1.9%,其後幅略為收窄。
申洲最新畀花旗大削目標價20%至120元,但繼續叫買,仲將申洲列入30日嘅負面觀察名單,又估計管理層會下調下半年嘅指引。此外,摩根士丹利亦將申洲目標價由145元劈到105元,係大行中睇得最淡。
申洲股價喺3月初發咗盈警後,一直冇起色,亦未補返下跌裂口,呢兩日仲跌穿埋長方形區間,走勢非常差,估計後市會進一步向下搵支持位。