【槓桿致勝】造淡銀娛要小心！PUT輪更值博？

【Now財經台】澳門博彩收入跌至21個月低位，澳門當局指，若確診宗數再上升，將唔排除禁足，銀河娛樂(00027)股價暫時跟隨大市向下，股價走勢由今年開始，在48元位置見頗大阻力，但近期重上高位水平，係咪反手造淡會更值博？

法國巴黎銀行上市衍生產品部林恩指，上星期澳門當局對確診再現採取積極措施，投資者憧憬成效顯著，同時適逢香港回歸25周年，憧憬會否有刺激港澳或大灣區未來發展措施，所以股價由40元關口，一下子升上48元水平，但今日銀娛和金沙中國(01928)暫時跟隨大市走勢較弱，若投資者有心造淡就要小心，因為隨時有疫情受控等好消息，令股價再上升，因此短線部署產品選擇方面，熊證有收回風險，PUT輪部署時間較短，會相對值博。