【Now財經台】中證監立案調查嘅贛鋒鋰業(01772)，AH股齊跌，A股最多跌7%，H股最多跌近9%，低位見78.8元，落到20天線見支持，最新跌幅收窄至3.6%。
公司因贛鋒鋰業涉嫌A股某上市公司股票二級市場內幕交易，喺7月1日收到中證監嘅立案告知書，但市場都有啲奇怪同不解地方，贛鋒鋰業這類大型企業，唔應該犯呢類內幕交易，同埋通告提到，中證監係今年1月決定立案，但隔左半年先公布。
不過今朝股份AH股跌勢較預期溫和，可能同天齊鋰業(09696)A股強勢有關，天齊上周四起本港開始招股，星期三截止認購，集資最多超過134億，係暫時今年最大型IPO，截止前A股走勢強勁，現升5%，迫近自己嘅歷史高位。
