【Now財經台】今日開始招股嘅「準新股王」天齊鋰業(09696)，去年業績成功扭虧為盈，今次港IPO集資淨額約120億元，大部分用嚟還債，如果睇返業務前景，天齊同贛鋒鋰業(01772)有冇可比之處？睇業務基本面，邊隻投資價值較高？
耀才證券研究部總監植耀輝指，雖然天齊同贛鋒喺某啲地方幾相似，但天齊規模相對大，如果睇估值及現價，贛鋒就較平啲。過去兩個月本身已經喺深圳上市嘅天齊，股價已經升咗唔少，連續兩個月升超過20%，贛鋒升幅就相對小，出現呢個情況主要係天齊嚟香港上市，帶挈喺深圳嘅股價炒咗上去。
Stanley又話，炒呢個板塊關鍵係睇鋰價可唔可以持續强勢，雖然鋰有一定需求，但鋰價係咪真係可以持續高企，佢坦言有啲保留。
