【Now財經台】截至早上11時止,1小時內《彭博》用戶關注度上升最多港股,依次為商湯(00020)、中國生物製藥(01177)、融創中國(01918)、建設銀行(00939)、小米集團(01810)。
商湯股價今朝急瀉,一度暴跌逾50%,插穿招股價,今日正正係上市半年禁售期解禁日,有貨冇貨應該點部署?
椽盛資本投資總監曾永堅指,商湯人面識別技術相關領域喺國際有好高水平,潛在投資價值係毌庸置疑,雖然有股東表明未來一段時間唔會沽貨,但由於唔少喺招股期間買入嘅投資者,已累積一定獲利空間,喺佢哋爭相沽貨下,導致商湯股價急瀉。
Jaseper估計,要消化呢個累積嘅沽貨壓力需時,預期商湯股價會喺底部調整一段時間,建議中長線投資者可以等一等再部署。