【Now財經台】截至早上11時止，1小時內《彭博》用戶關注度上升最多港股，依次為萬科企業(02202)、建設銀行(00939)、遠洋集團(03377)、旭輝控股集團(00884)及合景泰富集團(01813)。
為拯救樓市，各地方推鬆綁措施，更有發展商用農作物換樓作招來，《證券時報》指，行業黃金時期已過，依家首要任務係去庫存，發展商為咗賣樓，係咪已去到無所不用其極嘅地步？
獨立股評人譚智樂指，發展商想用盡一切方法去賣樓套現，有內房因債務問題，唔賣樓就有可能被清盤，甚至要進行債務重組。佢又話，中央唔想內房為咗賣樓而犧牲地方政府利益，但又唔想內房自生自滅，所以內房股嚟緊都會炒「最壞嘅時刻已過」，依家連二套房都放寬埋，即係准人炒樓，相信政策要一段時間先起到正面作用。
Arnold又話，對整體內房板塊仍然極度審慎，個股方面，可以揀財務實力較穩陣嘅內房。
