【期匯決算】金價短期破1870美元有難度

【Now財經台】雖然美元轉弱，但金價又未見明顯反彈，繼續喺200天線樓下，今季表現暫時係去年第1季以來最差，七國集團(G7)峰會提出禁止進口俄羅斯黃金，一旦落實，對金市影響有幾大？

Z.Com Bullion亞太區業務總監杜浩霆指，G7提出禁止進口俄國黃金一定利好金價，但影響亦唔會太大，因為俄羅斯近年黃金嘅產出係全球首3位，但出口只佔全球5%，因此，G7下禁令對全球供應都影響唔大。不過，短線都會利好金價，但要衝破近期高位每盎司1870美元會有難度。