【Now財經台】截至早上11時止，1小時內《彭博》用戶關注度上升最多港股，依次為小米集團(01810)、雅居樂集團(03383)、金沙中國(01928)、中國燃氣(00384)、銀河娛樂(00027)。
今朝個別手機部件股顛升，例如比亞迪電子(00285)及舜宇光學(02382)，小米亦愈升愈有，似乎成為追落後大贏家，小米今日純粹追落後，還是有其他走漏眼嘅利好消息？
富昌證券聯席董事譚朗蔚指，小米股價主要受大市帶動，港股今日一個上晝嘅成交金額已逾千億，科指亦企喺相對高位，更挑戰3至4個月高位，喺現金流動理想下，ATMXJ中，有指投資者最近「睇小」小米，所以今朝發力追落後，其實舜宇、丘鈦科技(01478)今朝都有類似情況。
Stevan又指，小米今日價量齊升，短線反彈目標可以擺喺15元。
