【Now財經台】內地接連有支持汽車消費政策出台,車股之中以吉利汽車(00175)表現較強勢,吉利淡倉已連續3日有資金流入,5日合計,有1200萬元資金坐貨,吉利股價今朝都有得升,淡友係咪繼續加倉?
瑞信上市交易產品部副總裁薛健鋒指,吉利短時間內錄得咁大升幅,投資者會諗係咪開始見頂,雖然近2個交易日造淡倉嘅投資者可能會損手,但今早仍然見到有加碼淡倉嘅部署,PUT輪上移至16元以上,即價外15%內嘅選擇,但如果想保守少少,揀收回價20元以上嘅熊證會有較高勝算,始終吉利股價近期郁得較急,如果窩輪升,會擔心PUT有可能回落。