【Now財經台】近期市場繼續高度關注美國聯儲局遏唔遏到通脹，同埋加息幅會唔會愈嚟愈激進，唔少主流意見都繼續睇淡美股，覺得加息未必遏到通脹，喺呢個情況下，有咩因素可以帶動美股及港股反彈？
勝利瑞柏基金管理合伙人暨投資總監陳建良指，聯儲局主席鮑威爾噚日喺記者會承認，美國經濟有機會出現衰退，喺呢個情況下，個市一般都會反彈，因為市場憧憬減息，通脹、利率一齊升，會令需求減少，通脹一定會回落，市場期望聯儲局加息加到咁上下就有機會停，甚至減息。KL又話，美國呢幾日股債齊彈，估計美股嚟緊2至4個星期都會有反彈，到時港股都會有好轉。
