【Now財經台】吉利汽車(00175)噚日借國策炒上,係表現最佳藍籌,今朝吉利成交活躍嘅CALL輪都比較短身,8月至10月到期,今朝好友係咪都做短線部署為主,博較高嘅槓桿?
瑞萬通博香港上市產品銷售部董事葉文炘指,今朝吉利係好倉食糊獲利,再加少少淡倉新加倉,由於吉利短時間內抽升,好多CALL輪都變咗價內,如果依家開CALL,認購價可以揀20元水平,拉到8月底到期,槓桿可以做到6至7倍。
此外,期權窩近期升咗4個波幅點子,短身期權嘅引伸波幅可能會比較波動,啲輪亦可能會反映到,所以揀短身輪會有少少風險,因為擔心會縮窩。