【Now財經台】有唔少分析認為，下半年可以多啲留意A股，雖然內地貨幣政策同外圍背馳，但透明度高之餘，路向亦好清晰，力谷經濟復甦亦好明確，A股年初畀疫情拖咗落去，4月有一個好靚嘅反彈，應該點評估A股嘅估值？
資深證券業人士溫天納指，A股巿場係同經濟掛鈎，而內地經濟某程度上已喺第2季見底，預期第3、第4季會明顯反彈，但Ronald提醒，傳統上股市係走前經濟半年，所以股市已經反映咗經濟反彈因素，唯一未預期到係下季初，會唔會有一系列更猛烈嘅政策出台，令經濟更明顯反彈，因為喺外圍加息及高通脹下，都會令內地流動性受到制約，因為人仔匯價始終係一個唔可以忽略嘅因素。
