【Now財經台】A股嘅豬肉相關股今日「落鑊」，升幅介乎1%至5%，發改委早前估計，豬價下半年會回升，睇返內地上星期行業分類表現，養殖業表現係第2好，「豬周期」喺咪重臨？
英皇證券研究部總監陳錦興指，豬肉價格喺低位浮沉咗一段時間後，依家開始回穩，雖然經濟下半年開始恢復，但消費信心未有咁快返嚟，加上餐飲業相對低迷，所以豬肉價格只會緩慢上升，若下半年消費市道好轉，相信豬肉價格會穩定向好。
Stanley又話，在港上市嘅豬肉股唔多，中糧家佳康(01610)業務集中於生豬肉養殖、新鮮豬肉，豬肉價格穩定上升對公司有直接幫助，不過，萬洲國際(00288)喺內地及美國等地都有唔同業務，因此，所以對豬肉價格嘅敏感度較低，股價表現亦相對冇咁穩定。
