【Now財經台】內地鋰電股、電池股今日成板炒起晒，喺香港上市嘅贛鋒鋰業(01772)都跟升，一度升逾10%，高見84.9元，歐盟日前建議將幾種鋰化合物，列入對人體健康有害材料名單，但法案最快年底先有定案，通過後嘅影響亦係未知數，如果贛鋒今日係炒呢個消息，係咪炒得太早？
獨立股評人沈慶洪指，呢個消息的確係原因之一，因為呢個法案一旦通過，未來鋰供應將會減少，鋰價自然會上升，所以電池股今日就炒起咗。至於係咪炒得太早，沈慶洪話，市場不嬲都係搵消息炒，贛鋒今日升咗上去都係借消息炒作。至於法案嘅中長線影響，主要睇呢幾方面...
