【Now財經台】截至早上11時止,1小時內《彭博》用戶關注度上升最多港股,依次為中國人壽(02628)、新奧能源(02688)、中國平安(02318)、新東方在綫(01797)、復星國際(00656)。
中資金融股今日表現強勢,其中內險股表現搶鏡,又以平保升勢最凌厲,但其實平保今日冇乜特別消息,點解股價愈升愈有?
紅蟻資本投資經理李澤銘指,其中一個原因係A股氣氛明顯改善,以及金融股當炒,但值得留意係,平保保費收入喺1月至3月已露出疲態,加上內房債投資亦受困擾,因此,相信呢個反彈純粹係追一追落後,未必代表轉勢。佢又話,依家入場博股價繼續升會較難,反而早前撈咗底,依家可以考慮獲利。