【Now財經台】央視報道新能源發電用量增加後，綠色能源板塊造好，整體呈上升趨勢之餘，個別股份更炒高近10%，呢個勢頭可唔可以持續？
安里資產管理董事總經理郭家耀表示，綠色能源相關股近期造好，主要係多晶硅價格並未如預期回落，再加上工廠設於東南亞，間接受惠於美國豁免東南亞關稅嘅政策，令相關企業嘅業績有保證。
佢又話，如果怕高追，想做長線部署，佢認為可以考慮華潤電力(00836)及龍源電力(00916)，因為呢兩家公司嘅綠電比例較高之餘，股息亦可觀。
【專家分析】綠色能源股長揸揀呢兩隻
【分析】 2022/06/14 19:36
