【Now財經台】截至早上11時止，1小時內《彭博》用戶關注度上升最多港股，依次為龍湖集團 (00960)、ASM太平洋 (00522)、 中芯國際(00981)、合景泰富集團(01813)及中國銀行(03988) 。
龍湖上周五收市後公布，5月合同銷售按年跌近70%至90億人仔，多過4月嘅逾73億人仔，而廣東湛江、陽江等多市降低咗首套房貸款最低首付比例。雖然傳來好消息，但內房股今朝都普遍要跌，係咪市場對內房仍有戒心？
富昌證券聯席董事譚朗蔚指，內房股正反兩面因素都有，利淡消息係信貸資金鏈，有唔少內房有潛在違約問題，正面消息就係憧憬政策，但要留意內地疫情仲係反覆，需求仲未出現。
Stevan強調，要審慎看待內房板塊，連龍頭中國海外發展(00688)、華潤置地(01109)近月表現都麻麻，市場暫時亦未有數據足以支持內房股。
