【Now財經台】有資料顯示，今年1月至4月，全國智能手機出貨量按年大跌30%至8560萬部。消息一出，多隻手機設備股下晝跌幅擴大，舜宇光學(02382)及丘鈦科技(01478)一度挫逾6%，內地智能手機需求復甦情況會唔會比市場預期差？
耀才證券研究部總監植耀輝指，疫情打亂晒手機相關企業嘅部署，就算出新機，配置都唔係好高級，對於舜宇呢類公司嚟講未必係好事，因為過去兩三年，憧憬產能持續升級，可以維持出貨量，不過，事實係今年出貨量表現唔太理想，加埋毛利率嘅變化，反映整個行業都面對好大挑戰，未來能否改善，就好視乎疫情。
