【Now財經台】夏季係啤酒行業傳統旺季,但啤酒股似乎仲驚緊上海會再封小區,華潤啤酒(00291)、青島啤酒(00168)及百威亞太(01876)都要跌,午後仲一度跌幅擴大,係咪代表左右股價表現嘅關鍵,唔係在於係咪踏入旺季,而係解封後市場可唔可以快速復甦?
艾德證券期貨聯席董事陳政深相信,除非出現比今年第1季更差嘅疫情,依家最嚴峻嘅封城情況已經過去,但由於經濟情況仍然複雜,因此,消費市道會較飄忽。
Ryan又話,如果睇返數據,夏季啤酒銷量未見大幅上升,估計同整體消費市道及消費意慾有關,而對啤酒股影響較係成本因素,至於今日跌到咁,相信同資金輪動有關。