【Now財經台】汽車股過去1個月幾乎全線跑贏大市，其中吉利汽車(00175)累升約30%，表現係一眾車股之中嘅中游分子，同期表現最好反而係傳統車股長城汽車(02333)，反映資金買貨時，唔係單睇一隻車股嘅新能源車業務含量，係呢個前提下，邊隻車股最值博？
華盛証券分析師聶振邦指，睇返現階段嘅資金流，主力係比亞迪股份(01211)及「3大造車新勢力」，理想汽車(02015)、小鵬汽車(09868)及蔚來(09866)，佢又認為，不論吉利定長汽，依家嘅聲勢都唔追唔上呢4隻股份，如果做中長線部署，比亞迪仍然係首選，若做短期部署，如博追落後，就可以考慮大市值嘅蔚來，價格吸引就揀市帳率(PB)最平嘅小鵬。
