【Now財經台】國家新聞出版署噚日再發放今年第2批遊戲版號，合共60款遊戲獲批，不過，騰訊控股(00700)、網易(09999)冇份，嗶哩嗶哩(09626)嘅遊戲部門更傳出裁員消息，但網遊股今朝仍喪炒，但升得最顛都係中小型遊戲股，會唔會好快就散水？
基金界人士黃耀宗坦言，對遊戲股板塊有保留，細隻嘅遊戲股可能彈力較大，買騰訊只可以當係間接投資騰訊有份嘅股份，佢又估計，騰訊近期表現唔會太突出，即使股價發力追上嚟，都會係今輪炒作水尾嘅事。
Andy又補充，如果騰訊、金山軟件(03888)突然有一兩日表現標青，可以視為今次遊戲股炒作已屆尾聲。
