【Now財經台】富時羅素出咗季檢結果,其中富時已發展亞洲地產指數出現變動,踢走3隻本地地產股,包括恒隆地產(00101)、恒基地產(00012)及新世界發展(00017),受消息拖累,3隻股份今朝急插水。
其中新世界今朝一度低見28.35元,急挫逾6.4%,錄得舊年以來最大單日跌幅,跌穿哂所有移動平均線,成交亦急升,成交金額較過去100日同時段平均大增9倍,仲多過噚日全日成交金額。
後市要留意指數變動喺6月17日收市後生效,對新世界股價仲會帶嚟幾大壓力,係咪要進一步下試保歷加通道底,即27.9元水平先搵到支持。