【Now財經台】今日除咗科網股，石油石化股都有份貢獻恒指，中國海洋石油(00883)見28個月高位，中國石油(00857)及中國石化(00386)都造好，紐油布油亦升逾3%，突破3月尾高位，有望再挑戰多年來新高，中海油強勢下，市場似乎預期油價可以再創新高。
寶鉅證券董事及首席投資總監黃敏碩指，夏天將至，會多咗人揸車出去玩，製造業亦陸續復工復產，油嘅需求會增加，但市場認為油組決定增產機會唔大，所以喺需求及供應方面，都有利油價再向上。
Michael補充，中海油最佳上車時間已經過咗，依家先買就蝕底，如果唔想高追又想入手相關股份，可考慮中石油，因為...
