【Now財經台】截至早上11點，1小時內彭博用戶關注度上升最多的港股依次為遠洋集團(03377)、中國海洋石油(00883)、澳博控股(00880)、中國石油化工(00386)、金沙中國 (01928)。
遠洋集團股價造好升近4%，已跑贏好多同業，彭博用戶搜尋內容離唔開關於遠洋債價嘅新聞，指遠洋喺2024年7月到期嘅美元債跌近6%，創3月中以來最大跌幅，點解股價反而造好？
大華繼顯執行董事梁偉源指，遠洋股價年初至今已經跌咗好多，可能今日只係跟住大市有反彈，近期投資者擔心內房美元債有違約風險，雖然中央有針對房地產問題政策，而部分人民幣債券亦處理中，但似乎仍未有方法處理美元債券，因此債價可能較波動，但股價未必跟著債價走。
